Асабістая стужка

Алесь і Віктар Сямашкі "З панталыку. Частка 4" (FK 045)

Wed, 23 Jan 2013 15:45:00 +0400

Частка фры-джазавага й выключна бубнова-клярнэтовага альбома, запісанага ў 2012 г. двума братамі. Спампаваць кружэлку цалкам магчыма праз гэтую спасылку -
ссылка

Ул.Краўчанка / В.Сямашка "Eugene, In Memoriam" (FK 051)

Wed, 23 Jan 2013 15:18:00 +0400

Гэтая кампазыцыя зьяўляецца эпілёгам да альбома "Ground". Яна была запісаная на канцэрце памяці Яўгена Канавалава, 05-10-2011.
Большая частка альбома была сыграная ў Рэчыцы. Толькі духавыя (пераважна клярнэт) ды бубны.
Спампаваць альбом цалкам можна, скарыстаўшыся гэтай спасылкай -
ссылка

S-band "Водарасьць"

Mon, 18 Jun 2012 17:17:00 +0400

Прэм'ера песьні S-бэнду ў межах канцэрту "Балцкага Субстрату", 17-06-2012.

Віктар Сямашка - голас, тэкст
Алесь Сямашка - гітара
Раман Яраш - вуснавы гармонік

Зьвездары "Саладзень"

Thu, 03 May 2012 00:50:00 +0400

Асноўны запіс адбыўся на тэрыторыі дачнага каапэратыву "Крыніцы" ля вёскі Саўдзеневічы ў жніўні 2011 году. Выкарыстаныя дуда й паваленая ваданапорная вежа. Вялікі дзякуй птушкам!

S-band "Зоркі Геркулеса"

Wed, 02 May 2012 23:45:00 +0400

Запіс з выступу на філфаку БДУ ў межах імпрэзы "Ясныя зоркі Геркулеса", 29-02-2012.
Склад: Віктар ды Алесь Сямашкі + Раман Яраш.
Плэйліст: "Хлопчык", "Зімой", "Самнамбул", "Дзед", "Цёплы вечар", "Перад паводкай", "Санэт" (усё на вершы Максіма Багдановіча).

Віктар Сямашка "Тунэль"

Mon, 26 Mar 2012 13:22:00 +0400

Гэта першы трэк з альбома "г.М", выдадзенага Clinical Archives Netlabel. Альбом запісваўся ў розных мейсцах Менску цягам лета 2011 г. Спампаваць "г.М" цалкам можна тут - ссылка

Князь Мышкін "Цмок"

Wed, 14 Dec 2011 08:53:00 +0400

"Цмок" - бадай, адна зь лепшых кампазыцыяў сыграных сёлета "Князем Мышкіным". Яе запіс адбыўся 8 сьнежня на імпрэзе памяці Вольгі Самусік.

Я.Канавалаў — В.Сямашка "Блуканьні. Ч.9 (Buben-remix)"

Thu, 10 Nov 2011 02:06:00 +0400

Прыемная нечаканасьць! Электроншчык Уладзь Бубен зрабіў хіп-хіп-апрацоўку нашай зь Яўгенам рэчы.

Фантастычныя плыўцы "Дуплет"

Tue, 19 Jul 2011 17:09:00 +0400

NEW! "У сёлетнім рэлізе “плыўцы” ўпершыню скарысталіся midi-клявіятурай – канцэпцыя твору тое дазваляла. Таксама кожная інструмэнтальная партыя тут запісвалася асобна, што дало магчымасьць болей папрацаваць над структурай. Хаця ў аснове “Дуплету”, як і ў папярэдніх творах ФП, – спантанная імправізацыя".

2 кампазыцыі, прадстаўленыя адным трэкам:
№1 – 00:00 – 06:54
№2 – 06:54 – 15:50

Склад:
Віктар Сямашка – сэмплернае фартэпіяна, клярнэт, труба, вакал;
Алесь Сямашка – сэмплерныя барабаны, гітара;
Вольга Кастрамінава – вакал;
Раман Яраш – вуснавы гармонік.

Запіс – лета 2010 г. , лета 2011 г.

S-band "Песьні Бядулі"

Thu, 28 Apr 2011 01:28:00 +0400

Тры рэчы на вершы Зьмітрака Бядулі. Песенькі напісаныя адмыслова да вечарыны “Повязь”, якая прысьвячалася 125-годзьдзю паэта. Запіс (з паветра) адбыўся там жа – філфак БДУ, 25-04-2011.

Віктар Сямашка – сьпеў, флейта
Алесь Сямашка – гітара

ПаДД "Слава фізычнай працы!"

Wed, 09 Mar 2011 00:51:00 +0300

Дуэт ПаДД з кампазыцыяй "Слава фізычнай працы! (вясковая вэрсія)". Бас-домра + бас-флейта. Запіс адбыўся улетку 2010 году, апрацоўка скончылася сёлета, 8 сакавіка. Кампазыцыя ўваходзіць у новы том АСБМ (Анталёгіі сучаснае беларускае музыкі). Том па традыцыі складаецца з двух дыскаў. Яго імя "Дачны альбом" - 8 рэчаў запісаных рознымі праектамі ў асноўным на Лагойшчыне ў ваколіцах вёсак Янушкавічы, Сьліжына й Саўдзеневічы.

ПаДД “Zalacańnі pana Patockaha”

Thu, 17 Feb 2011 01:15:00 +0300

Новая рэч хатняга праекту ПаДД. Працоўны назоў кампазыцыі - “Заляцаньні пана Патоцкага”. Дуэт бас-домры і бас-флейты. Трэк запісаны 23 чэрвеня 2010 году. Адмантажаваны й зьведзены на мінулым тыдні.

Князь Мышкін "НАРА"

Wed, 26 Jan 2011 21:42:00 +0300

Адным трэкам прадстаўленыя чатыры кампазыцыі, сыграныя 16 студзеня падчас прэзэнтацыі кнігі Сяргея Жукоўскага ў менскім клюбе "Лісіная нара".

Лявон Нарушэвіч - гітара, гук
Віктар Сямашка - духавыя, шумы

Князь Мышкін "З Новым 37-ым!"

Fri, 24 Dec 2010 23:19:00 +0300

Запіс адбыўся 23 сьнежня 2010 году падчас літаратурнае акцыі. Прынесьлі свой хатні апарат у адну зь менскіх крамаў і выказалі цалкам свае пачуцьці ад сёньняшніх падзеяў. Як сказаў адзін са слухачоў, то была "скупая мужчынская сьляза". А слухачка заўважыла "патэтыку". У любым выпадку гралі ад сэрца. Прыкра й незвычайна быць у ролі злачынца, якога могуць у любы момант затрымаць. І ўсё будзе паводле закону. Афіцыйнага, але ня Божага.
Сумныя Каляды...

Другі гукавы пленэр. Lupinus Session "Птушкі"

Sun, 01 Aug 2010 13:33:00 +0400

Проста птушкі. Проста сьпяваюць.
Дождж. Самалёт...

Трохі падрабязьней пра праект - ссылка

Другі гукавы пленэр. Lupinus Session "Каля валуноў"

Sun, 01 Aug 2010 13:20:00 +0400

У 2010 г. адбыўся Другі гукавы пленэр празь сем год пасьля першага. Запісы праходзілі там жа, на Лагойшчыне. Вашай увазе адзін з трэкаў.

Віктар Сямашка - клярнэт
Раман Яраш - варган
Юры Семянюк - званочкі

Klarneton "Vacation"

Wed, 28 Jul 2010 17:32:00 +0400

Трэк №3 з новага альбома праекту "Клярнэтон". Запіс адбываўся вельмі спэцыфічным чынам у чэрвені гэтага году. Патлумачыць працэс цяжкавата, ды й ня трэба. Але паколькі альбом завецца 'Synchronism', сутнасьць скарыстанага мэтаду зьвязаная з гэтай зьявай.
У стварэньні рэчы "Vacation" паўдзельнічалі, самі таго ня ведаючы, Раман Яраш з тыбэцкай чарай і Міхал Б. (ледзь чутны голас на заднім пляне).
Цалкам спампаваць альбом Klarneton 'Synchronism' разам з вокладкай нейкі час можна будзе тут - ссылка

Фантастычныя плыўцы "Жыціе"

Mon, 26 Jul 2010 12:34:00 +0400

Другая й заключная частка альбома 'Сhronograph'.

Фантастычныя плыўцы "Будзень"

Mon, 26 Jul 2010 12:12:00 +0400

Першая частка з альбома 'Сhronograph', што быў запісаны сёлета ў адным з памяшканьняў Беларускае акадэміі музыкі.

Віктар Сямашка - фартэпіяна, клярнэт, труба, пэркусія
Віталь Эпаў - сапрана-саксафон, труба, пэркусія

S-band "Zimoj"

Thu, 03 Jun 2010 18:20:00 +0400

А гэта запіс S-band 2006 г., дзе я прымаю ўдзел толькі ў якасьці, так бы мовіць, "кампазытара". Брат Алесь сам знайшоў скрыпача й непаўторную сьпявачку Марту.
Верш зноў жа Максіма Багдановіча. Трэк быў запісаны адмыслова для радыёпраграмы "Новая зямля", адзін з выпускаў цалкам прысьвячаўся клясыку.

S-band "Да зор"

Thu, 03 Jun 2010 17:42:00 +0400

6 год таму, у 2004-ым, у межах "хатняга праекту" S-band запісалі разам з братам цыкаль песень на вершы Максіма Багдановіча. Зараз выявілася, што той запіс хадзіў па рукох. Паступіла прапанова штосьці зь яго агучыць публічна. Што мы й зрабілі 29 красавіка 2010 г. ў музэі Багдановіча на імпрэзе "Да зор". Дзякуем Міхалу Бараноўскаму за запрашэньне!

Алесь Сямашка - ак. гітара
Віктар Сямашка - голас, флейта

Князь Мышкін "Потерялся в универсаме (ND-tribute)"

Tue, 27 Apr 2010 12:18:00 +0400

Лявон Нарушэвіч – эл. гітара
Віктар Сямашка – флейта ды інш.
+ супрацоўнікі й наведвальнікі гіпэрмаркета “Gippo”

Князь Мышкін "Калядка"

Wed, 06 Jan 2010 13:15:00 +0300

Граем дуэтам Нарушэвіч-Сямашка. Калядныя гісторыя з закручаным сюжэтам, разьвіцьцём і апатэозам.
Запіс адбыўся 22.12.2009 ў студыі "Радыё Культура" ў межах "Навагодняга маратону", а трансьляваўся ўвечары 31.12.2009.
Са Сьвятамі!

Князь Мышкін "У кожны дом"

Wed, 16 Dec 2009 17:05:00 +0300

Запіс жывога выступу на этна-фэсьце “Ад неба на паўмэтры” (Менск, ДК МАЗ, 26-11-2009).
Лявон Нарушэвіч – гітара, голас, драматургія
Віктар Сямашка – клярнэт, флейта, голас
Антон Крывуля (СолнцеЦветы) – вальторна, гучнагаварыцель, крык

Горамер "La Damba"

Thu, 10 Dec 2009 19:05:00 +0300

“Адзін выйшаў з пункту А. Другі з пункту В. Абодва крочаць у пункт С.”
Такая фабула гэнае кампазыцыі. Адзначу, што кожны крочыць у сваім канале. А ў якасьці С выступае старая дамба на Сьвіслачы ў раёне вуліцы Трасьцянецкай. Шум – Пена.

Джан Джоха "Уродавы прыгоды"

Mon, 07 Dec 2009 21:05:00 +0300

Запіс 2004 году. Чарговы "хатні" праект зь імем "Джан Джоха" рытмічна-напеўнага характару. Асноўны тэкст канцэптуальна складзены з прыказак ды прымавак.
Напярэдадні запісу я праштудаваў адпаведны слоўнік, брат зладзіў драўляную падстаўку для званочкаў (валдайскіх і рыбацкіх), зьявілася старая драм-машынка (як у раньніх "дзюбялёў"), знайшоў у Сеціве тэкст галоўнае малітвы... і справа пайшла.

Astragalos "Танец з чаплямі"

Mon, 07 Dec 2009 19:44:00 +0300

Фрагмэнт нашага сёлетняга запісу зь Яўгенам Канавалавым у межах гурту Astragalos. Твор (з цытатай з Хачатурана) уваходзіць у альбом "Пост. Эсэ". Дыск прадаецца там жа, дзе й "Блуканьні".

Я.Канавалаў - В. Сямашка "Блуканьні. Частка 5"

Mon, 07 Dec 2009 19:32:00 +0300

Кампазыцыя з альбома "Блуканьні" 2008 г. Наш першы сумесны запіс зь Яўгенам Канавалавым.
Рэцэнзія Зьмітра Падбярэзскага
Рэцэнзія Сяргея Будкіна
У Менску альбом можна набыць у “Няслушнай музычнай краме” (файе Акадэміі навук, пр. Незалежнасьці-66, ад цэнтральнага ўваходу на правы бок).

Першы гукавы пленэр "Ля крыніцы"

Mon, 07 Dec 2009 19:13:00 +0300

Пасьля нядаўняе лясное сэсіі з Антонам Крывулем (СолнцеЦветы) узгадаўся аналягічны праект з патасным назовам "Першы гукавы пленэр", што быў зладжаны ўлетку 2003 году й болей не праводзіўся. Хоця тады меўся наіўны й беспадстаўны разьлік, што да яго далучацца людзі, і "гукавыя" пленэры стануць такой жа распаўсюджанай зьявай, што й мастацкія.
Людзей тут удзельнічала колькасьць, мякка кажучы, мізэрная. "Пленэр" праводзіўся ў некалькіх кілямэтрах ад вёскі Саўдзеневічы, што на Лагойшчыне. Зь інструмэнтамі й дыктафонам мы перасоўваліся зь мейсца на мейсца й імправізавалі - лес, поле, паляна, узгорак, капішча... Дайшоўшы да крыніцы, купалі ў вадзе званочкі, шорхалі галькай і адмахваліся ад камароў.
У выходныя ўсё было запісана, а ўжо ў панядзелак я меў гатовы апрацаваны запіс на CD.

Кастусь Крэйда "Вялікая рыбка"

Fri, 20 Nov 2009 20:37:00 +0300

Фартэпіяннае прысьвячэньне Менску й яго рэкам. К.К. - мой чарговы псэўданім. Большая частка шумоў запісаная непасрэдна на беразе Сьвіслачы. Зьдзівіла, што жабкі й кірлі сьпяваюць адзін і той жа гукавы малюнак, нават тэмп супадае.
Калі даў паслухаць брату, той гіранічна назваў гэты твор "Курохіну - 10 год", маючы на ўвазе, што так быццам бы маэстра граў у маленстве. Зь іншага боку, то быў 2006 год - роўна 10 год, як Курохіна ня стала.

Astragalus "The Dark Tales"

Fri, 20 Nov 2009 19:36:00 +0300

Гэтыя "гісторыі" запісалі ў 2005 г. па завядзёнцы ўдвох з братам. Атрымалася дастаткова рокава й псыхадэлічна. Astragalus першапачаткова й задумваўся як рэтра-праект.

Віктар Сямашка - электраарган, пэркусія, эл. гітара, вабік
Алесь Сямашка - бас, эл. гітара

Фантастычныя плыўцы "Cortex Quercus"

Fri, 20 Nov 2009 19:09:00 +0300

"Cortex Quercus" перакладаецца з лацінскае як "кара дуба". На той момант з-за праблемаў з зубамі гэта было актуальна.
Запісаліся на рэпэтыцыйнай кропцы "Нагуаля" на портастудыю.
Кропка месьцілася ў Цэнтры дзіцячае творчасьці на вуліцы Кірава, амаль насупраць прэзыдэнцкае адміністрацыі. Суцэльная й энэргічная імправізацыя!

Віктар Сямашка - фартэпіяна
Лявон Паўлёнак - бубны, голас
Алесь Сямашка - эл. гітара
Віталь Кулеўскі - гук і гукі

Astragalus "Raman"

Fri, 20 Nov 2009 18:10:00 +0300

2005 год, варта прызнаць, выдаўся звышнасычаным усялякімі запісамі. Асабліва датычна праекту "Астрагалус" (ён жа Астрагалос і Астрагал). Гэтую рэч - "Раман" - мы запісалі удвох з братам. Ён узяўся за бас, я - за ўсё астатняе. Адкрыў тады для сябе дзіўнае спалучэньне аргана й трубы: неакрэсьленая моц набывае строгі вэктар. Вінілявы трэск дадзены наўмысна для своеасаблівае кананічнасьці гучаньня.

Крухмал "Янушкавіцкі клюб"

Fri, 20 Nov 2009 17:17:00 +0300

Праект "Крухмал" заснаваны на спалучэньні варгана з драм-машынай. Граем мы з братам. Дадатковыя эмацыйныя гукі робяць малазнаёмыя людзі (чыноўнікі, кантралёры, вэтэраны), запісаныя папярэдне на дыктафон падчас выкананьня мною журналісцкіх абавязкаў. 2004 г.

В.Сямашка - Ю.Семянюк - А.Сямашка "Panu" (Частка 3)

Thu, 19 Nov 2009 16:04:00 +0300

"Каталікос" - трэцяя й завяршальная частка музычна-паэтычнае кампазыцыі "Panu".

В.Сямашка - Ю.Семянюк - А.Сямашка "Panu" (Частка 2)

Thu, 19 Nov 2009 15:28:00 +0300

У запісе трох частак кампазыцыі "Panu" паўдзельнічалі:
Віктар Cямашка - клярнэт, шумы, тэкст
Юры Семянюк - голас
Алесь Сямашка - сынтэзатар
суседзі - шумы

В.Сямашка - Ю.Семянюк - А.Сямашка "Panu" (Частка 1)

Thu, 19 Nov 2009 14:54:00 +0300

Музычна-паэтычная кампазыцыя з трох частак, запісаная ў 2005 г. Першая частка - "Жарсьці". Другая - "Пану". Трэцяя - "Каталікос".

Радиость "Сялянка й Сьвятар"

Thu, 19 Nov 2009 14:11:00 +0300

Кампазыцыя праекту "Радиость", 2002 г. Аснова праекту - канцэптуальная камбінацыя радыёшумоў.

Зьвездары "Экспэдыцыя"

Thu, 19 Nov 2009 13:44:00 +0300

Гэтая рэч запісаная цягам 2004 – 2005 гадоў. Першая вэрсія “Экспэдыцыі” была амаль цалкам зьнішчаная з-за ўласнае дурасьці, таму прыйшлося зрабіць другую – то бок, перайграць наноў. Гуляць ў беларускі фальклёр – справа небясьпечная. Але ж, пэўнае паглыбленьне адбылося.

Віктар Сямашка – разнастайныя духавыя
Алесь Сямашка – рэвэрбэратар, пэркусія, эл. гітара, сынтэзатар, скрыпка, дудка

Кузьнец & Сяманя "Сьлёзы мастачкі"

Wed, 18 Nov 2009 19:55:00 +0300

Запіс 1999 году ў пашыраным складзе:
Віктар Сямашка - фартэпіяна, голас ды інш.
Аляксей Кузьняцоў - бубны, голас, труба
Аляксей Ігнатовіч - бас
Ларыса - голас ды інш.

Кузьнец & Сяманя "П’еска"

Wed, 18 Nov 2009 19:14:00 +0300

"Кузьнец & Сяманя" - ансамбаль, які існаваў з 1998 па 2002 год. Гэтая "П'еска" ўваходзіць у першы альбом гурту "Кацёл", дзе зьмешчаныя хатнія запісы 1998-99 гадоў. Склад:
Віктар Сямашка - фартэпіяна , Аляксей Кузьняцоў - гітара (у якасьці мэдыятара выкарыстаны навушнік-"таблетка", падключаны ў мікрафоннае гняздо магнітафону)

DJ Хольча "News.mu"

Wed, 18 Nov 2009 18:57:00 +0300

Выключна сэмплерная аплікацыя. То бок, ніякіх гукаў адмыслова для кампазыцыі не запісвалася. Матэрыял - з гукарэжысэрскае базы "Радыё Бі-Эй". Зрабіў гэтую рэч, седзячы на працоўным мейсцы на тым самым радыё ў 2003 годзе.

Astragalus "Высадка на Марсе"

Wed, 18 Nov 2009 17:36:00 +0300

Граем дуэтам зь Лявонам Паўлёнкам на двух аналягавых савецкіх сынтэзатарах. Кампазыцыя ўваходзіць у альбом-прысьвячэньне мастаку Язэпу Драздовічу.

V.Sam "Radiomeddling-1"

Wed, 18 Nov 2009 17:14:00 +0300

(У якасьці кур'ёзу) запіс 1993 году. V.Sam - мой псэўданім тых часоў. Адна зь першых самастойна запісаных рэчаў: дзьвюхкасэтная "мыльніца", хатняе піяніна, запаволеныя радыёшумы... Магнітафон купілі на грошы, што мы з братам прывезьлі зь Італіі ад тамтэйшых міласэрных жыхароў. Grazie, Ardore Marina!

Фантастычныя плыўцы "Umbra"

Mon, 16 Nov 2009 18:41:00 +0300

Выступ праекту на фэсьце "Паходны шаўкапрад" у залі Моладзевага тэатру эстрады ў Менску, 2005 г. Склад:
Лявон Паўлёнак - бубны, голас
Алесь Сямашка - бас
Віктар Сямашка - белы раяль Раінчыка

Paradox-quartet "Сьвятло й колер"

Mon, 16 Nov 2009 18:38:00 +0300

Кампазыцыя 2005 году, што ўвайшла ў аўтарскую кампіляцыю "Праграма Minimum". Спампаваць альбом цалкам можна тут - ссылка

PARADOX-ENSEMBLE "Сяло сьніць"

Mon, 16 Nov 2009 18:35:00 +0300

Інфармацыю пра ансамбаль і альбом, у які уваходзіць гэты трэк, глядзіце ніжэй.

PARADOX-ENSEMBLE "Маці пустэльні"

Mon, 16 Nov 2009 18:28:00 +0300

Гэта чарговы, выключна хатні праект - Paradox-ensemble.
Так бы мовіць, імітацыя калектыўнае імправізацыі з (каля-, анты-, псэўда-)джазавым прысмакам. Выкарыстаны інструмэнтарый: пэркусія, бас-домра, ак. гітара, фартэпіяна, клярнэт, флейта, дуда ды інш.
У кампазыцыі "Маці пустэльні" скарыстаны старажытны духоўны верш.

музыка Віктара Сямашкі
выконвае Paradox-ensemble
запіс – вясна 2008, Менск
майстарынг – Алесь Сямашка

Спампаваць альбом цалкам можна тут - ссылка
Пачытаць рэцэнзіі тут - ссылка ссылка

Клярнэтон "А ў садзе-вінаградзе..."

Sun, 15 Nov 2009 14:31:00 +0300

Соля на клярнэце, запісанае мною ў калідоры галоўнага корпусу БДУ ў 2008 г.

Astragalus "Terra Nova"

Sun, 15 Nov 2009 14:23:00 +0300

Кампазыцыя праекту Astragalus, створаная цягам
вясны й восені 2009 году. Наколькі патасная, настолькі й сьмешная. Наколькі ўзьнёслая, настолькі й бытавая. Наколькі сур'ёзная, настолькі й разьдзяўбайская.

Яўген Канавалаў - гітара
Віктар Сямашка - электраарган, флейта
Уладзімер Краўчанка - бубны, мэталяфон
Алесь Сямашка - сынтэзаваны хор

ЗЬВЕЗДАРЫ “празь Лепель у Чацьвер…” (Антракт)

Sun, 15 Nov 2009 14:07:00 +0300

ЗЬВЕЗДАРЫ
“празь Лепель у Чацьвер…”

Частка 1 (17:55)
Частка 2 (23:27)
Антракт (04:59)
агульная працягласьць – 46:21

vvsiamashka@tut.by
ссылка

ЗЬВЕЗДАРЫ “празь Лепель у Чацьвер…” (Частка 2)

Sun, 15 Nov 2009 13:59:00 +0300

Віктар Сямашка – духавыя, клявішныя, сэмплы, голас; mix, фота
Алесь Сямашка – рэвербэратары, эл. гітара; гук, mastering
Яўген Канавалаў – ак. гітара; фота
Юры Семянюк – пэркусія, голас
котка Матка – голас

музыка – Зьвездары
запіс, апрацоўка – з 20.09.09 да 02.11.09, Менск

ЗЬВЕЗДАРЫ “празь Лепель у Чацьвер…” (Частка 1)

Sun, 15 Nov 2009 13:37:00 +0300

Новы альбом “хатняга праекту” ЗЬВЕЗДАРЫ з удзелам новых людзей: Юры Семянюк трошкі падыграў на бытавой пэркусіі, а Яўген Канавалаў запісаў, як заўсёды, неверагоднае соля (у другой частцы) й вывеў агульную плынь альбома ў іншае вымярэньне.
Дарэчы, альбом кампазыцыйна складаецца зь першае часткі, другое часткі й адмысловага гукавога суправаджэньня для антракту, якое зьмяшчаецца трэцім трэкам і добра слухаецца на няспынным “repeat”.
Наконт назову: так атрымалася, што цягам гэтага году я з розных нагодаў тройчы праехаў празь Лепель, плянаваўся нават і чацьверты. А Лепельшчына, як вядома, - мясьціна сакральная, дударская, азёрная й г.д. Побач, там жа месьціцца самая сапраўдная беларуская тундра. У вокладцы дыску выкарыстаны герб Браслава, у які я патрапіў акурат празь Лепель падчас адной з вандровак.
Альбом вызначаецца інфармацыйнай насычанасьцю, рознакаляровасьцю й шматслойнасьцю. Настрой задае кантраст сынтэзаваных клявішных й жывых духавых, апрацаваных праз рэвэрбэратар. Этна-авангардовая атака на мазгі! Таксама даўно хацеў, каб дуда спалучылася з какафанічным піяна (тое адбываецца бліжэй да фіналу).